სლოვაკეთის პრემიერ-მინისტრი, რობერტ ფიცო უკრაინაში თავის ვიზიტს აანონსებს. ამის შესახებ მან სლოვაკეთის ქალაქ კოშიცეში უკრაინელ კოლეგა, იულია სვირიდენკოსთან გამართული შეხვედრის შემდეგ განაცხადა.

ფიცომ აღნიშნა, რომ მან უკრაინაში ჩასვლის მოწვევა მიიღო შემდეგი მთავრობათაშორისო კონსულტაციებისთვის, ხოლო დრო და ადგილი მოგვიანებით დადგინდება.

„დღეს მივიღე შემდეგ მოლაპარაკებებზე მოწვევა. დროსა და ადგილზე ჯერ შევთანხმდებით. მაგრამ შეხვედრა ნამდვილად უკრაინის ტერიტორიაზე იქნება. ყველაფერს გავაკეთებთ, რათა იმ დროისთვის ვითარება გაუმჯობესდეს“, - განაცხადა ფიცომ.

მან ასევე მადლობა გადაუხადა უკრაინულ დელეგაციას კოშიცეში ვიზიტისთვის და აღნიშნა, რომ აფასებს ამას.