საქართველოსთან დაკავშირებით ყველა ვარიანტი მაგიდაზეა. საქართველოში განვითარებული მოვლენები ევროპულ მიდგომასთან დაკავშირებით ბოლო დროს ნამდვილად იმედგაცრუებას იწვევს, - ამის შესახებ ევროპის საკითხებში გერმანიის სახელმწიფო მინისტრმა გუნთერ კრიხბაუმმა ევროკავშირის საგარეო საქმეთა მინისტრების შეხვედრის დაწყებამდე ლუქსემბურგში ჟურნალისტებს განუცხადა.

მისი განცხადებით, გერმანია მხარს უჭერს საქართველოს მოსახლეობას, თუმცა ქვეყნის მთავრობის ქცევა მათთვის მიუღებელია.

„ჩვენ, რა თქმა უნდა მოსახლეობის მხარეს ვართ, მხარს ვუჭერთ მათ. მაგრამ მთავრობა, მთავრობის ქცევა მიუღებელია. ყველა ვარიანტი, ვამბობ, ნამდვილად ყველა ვარიანტი, მაგიდაზეა“, - აღნიშნა მინისტრმა.