ლუქსემბურგში ევროკავშირის საგარეო საქმეთა საბჭოს შეხვედრა მიმდინარეობს, რომელზეც საქართველოს საკითხსაც განიხილავენ.

შეხვედრის დაწყებამდე, ევროკომისარმა გაფართოების საკითხებში, მარტა კოსმა ჟურნალისტებს განუცხადა, რომ განიხილავენ საქართველოში მიმდინარე შემაშფოთებელ მოვლენებს.

„საქართველოს მოსახლეობამ ბოლო სამ არჩევნებში, მიმდინარე საპროტესტო აქციებში აჩვენა, ასევე გამოკითხვებიც აჩვენებს, რომ მათ ევროპული მომავალი სურთ, მაგრამ არა მთავრობას. როგორც ჩანს, მათი მთავრობა არ უსმენს საკუთარ ხალხს და არ სურს ევროპული გზით სიარული“, - აღნიშნა ევროკომისარმა.