პოლონეთში დივერსიული აქტების მოწყობის ბრალდებით 8 პირი დააკავეს
პოლონეთში დივერსიული აქტების მოწყობის ბრალდებით 8 პირი დააკავეს, - ინფორმაციას Reuters-ი პოლონეთის პრემიერ-მინისტრზე, დონალდ ტუსკზე დაყრდნობით ავრცელებს.
„შიდა უსაფრთხოების სააგენტომ, სხვა სამსახურებთან თანამშრომლობით, ბოლო რამდენიმე დღის განმავლობაში ქვეყნის სხვადასხვა ნაწილში რვა ადამიანი დააკავა, რომლებსაც ბრალი ედებათ დივერსიული აქტების მომზადებაში“, - განაცხადა დონალდ ტუსკმა.
პოლონეთის სპეციალურ სამსახურებზე პასუხისმგებელი მინისტრის, ტომაშ სიემონიაკის ცნობით, საქმე სამხედრო და კრიტიკული ობიექტების დაზვერვას ეხება.
„საქმე ეხება დივერსიული აქტების განსახორციელებლად საჭირო საშუალებების მომზადებასა და თავდასხმების განხორციელებას“, - აღნიშნა სიემონიაკმა.
