აშშ-ის ფინანსთა მინისტრი - ევროპამ რუსეთზე „დიდი შვიდეულის“ ეკონომიკური ზეწოლის გაზრდაში ინიციატივა უნდა აიღოს
აშშ-ის ფინანსთა მინისტრის, სკოტ ბესენტის განცხადებით, ევროპამ რუსეთზე „დიდი შვიდეულის“ მხრიდან ეკონომიკური ზეწოლის გაზრდაში ინიციატივა უნდა აიღოს.
სკოტ ბესენტმა სოციალურ პლატფორმა X-ზე დაწერა, რომ ამ საკითხთან დაკავშირებით ის ევროკომისარს ეკონომიკისა და პროდუქტიულობის საკითხებში, ვალდის დომბროვსკისს ესაუბრა.
„ევროკომისარ ვალდის დომბროვსკისთან საუბარში ხაზი გავუსვი ამერიკის ერთგულებას უკრაინაში ხანგრძლივი და მდგრადი მშვიდობის მიმართ და იმის აუცილებლობას, რომ ევროპამ ინიციატივა აიღოს რუსეთის წინააღმდეგ „დიდი შვიდეულის“ ეკონომიკური ზეწოლის გაზრდაში“, - დაწერა აშშ-ის ფინანსთა მინისტრმა.
მისივე თქმით, ასევე ხაზი გაუსვი ჩინეთის მიერ ექსპორტის კონტროლის დაწესებაზე ერთიანი გლობალური რეაგირების აუცილებლობას და მიწოდების ჯაჭვების დივერსიფიცირების მნიშვნელობას.
