აშშ-ის ვიცე-პრეზიდენტი, ჯეი დი ვენსი ისრაელში ჩავიდა. მედიის ინფორმაციით, დღეს დაგეგმილია ვენსის შეხვედრა ახლო აღმოსავლეთში აშშ-ის ელჩებთან და სამხედრო ექსპერტებთან, რომლებიც ისრაელსა და „ჰამასს“ შორის ზავის მონიტორინგს ახორციელებენ. ხვალ კი ჯეი დი ვენსი იერუსალიმში ისრაელის პრემიერ-მინისტრ ბენიამინ ნეთანიაჰუს და პრეზიდენტ ისააკ ჰერცოგს შეხვდება.

ვიზიტის დროს ვენსი ცეცხლის შეწყვეტის შეთანხმების შემდგომ განხორციელებას განიხილავს და ნეთანიაჰუს ღაზაში ომის სამუდამოდ დასრულების მიზნით გრძელვადიან საკითხებზე მოლაპარაკებების დაწყებისკენ მოუწოდებს.

შეგახსენებთ, გუშინ ისრაელში ჩავიდნენ აშშ-ის პრეზიდენტის, დონალდ ტრამპის სპეციალური წარმომადგენელი სტივ უიტკოფი და მისი მრჩეველი და სიძე ჯარედ კუშნერი. უიტკოფი და კუშნერი ღაზას სექტორიდან გათავისუფლებულ მძევლებს შეხვდნენ