„თბილისი ენერჯის“ ინფორმაციით, 2025 წლის იანვრიდან სექტემბრამდე პერიოდში, თბილისში, ბუნებრივი გაზის მოხმარების წესების დარღვევის 4 692 შემთხვევა გამოვლინდა.

მათივე ცნობით, ყველაზე მეტი - 1426 შემთხვევა ისანი-სამგორი-ვაზისუბანი-ვარკეთილში გამოვლინდა.

„თბილისის ყველაზე საშიში უბნები ბუნებრივი გაზის მოხმარების წესების დარღვევის მიხედვით. 2025 წლის ბოლო 9 თვის სტატისტიკით, ყველაზე მეტი დარღვევა დაფიქსირდა შემდეგ უბნებში: ისანი-სამგორი-ვაზისუბანი-ვარკეთილი – 1426 დარღვევა, გლდანი - სანზონა – 1084, ჩუღურეთი - ნაძალადევი – 904 , მთაწმინდა - კრწანისი – 604, დიდუბე - დიღომი – 231, საბურთალო - ნუცუბიძე – 223, ვაკე - წყნეთი – 220. სულ, თბილისის მასშტაბით, 4692 დარღვევა გამოვლინდა მხოლოდ 9 თვეში,“ - აღნიშნულია ინფორმაციაში.