ვოლოდიმირ ზელენსკის ინფორმაციით, ნორვეგია უკრაინისთვის 150 მილიონი დოლარის ოდენობის ენერგეტიკული მხარდაჭერის პაკეტს გამოყოფს
ნორვეგია უკრაინისთვის 150 მილიონი დოლარის ოდენობის ენერგეტიკული მხარდაჭერის პაკეტს გამოყოფს, - ინფორმაციას უკრაინის პრეზიდენტი, ვოლოდიმირ ზელენსკი ავრცელებს.
უკრაინის პრეზიდენტი, ვოლოდიმირ ზელენსკი ოსლოში ნორვეგიის პრემიერ-მინისტრს, იონას გარ სტორეს შეხვდა.
„ენერგეტიკული მხარდაჭერა უაღრესად მნიშვნელოვანია. ნორვეგიის პრემიერ-მინისტრს, იონას გარ სტორეს მხარდაჭერისთვის მადლობა გადავუხადე. შეხვედრისას უკრაინის საჰაერო თავდაცვის საჭიროებებისა და ზამთარში უკრაინის გაძლიერების საკითხები განვიხილეთ. ასევე, განვიხილეთ თავდაცვის სფეროში თანამშრომლობის საკითხები“, - წერს ვოლოდიმირ ზელენსკი X-ზე.
ნორვეგიაში ვიზიტის შემდეგ ვოლოდიმირ ზელენსკი შვედეთში ჩავიდა. უკრაინის პრეზიდენტს შვედეთის პრემიერ-მინისტრი ულფ კრისტერსონი დახვდა, რომელთანაც ორმხრივ შეხვედრას გამართავს.
