როგორ შეიძლება კაია კალასის მსგავსი უცოდინარი ადამიანი გამხდარიყო ევროკავშირის საგარეო საქმეებში უმაღლესი წარმომადგენელი? - ისრაელს ემუქრება სანქციებით, - ამის შესახებ ბუნდესტაგის საგარეო ურთიერთობათა კომიტეტის თავმჯდომარე, CDU-ს წევრი, არმინ ლაშეტი სოციალურ ქსელში წერს.

მისი თქმით, ევროპული საგარეო პოლიტიკა სერიოზულ კრიზისშია.

“როგორ შეიძლება კაია კალასის მსგავსი უცოდინარი ადამიანი გამხდარიყო ევროკავშირის საგარეო საქმეებში უმაღლესი წარმომადგენელი? მაშინ როცა საუდის არაბეთი და არაბთა გაერთიანებული საამიროები სასწრაფოდ გვაფრთხილებენ, რომ სამშვიდობო პროცესი რისკის ქვეშაა თუ „ჰამასი“ სწრაფად არ განიარაღდება, ის, პირიქით, ისრაელს ემუქრება სანქციებით. ევროპული საგარეო პოლიტიკა სერიოზულ კრიზისშია”, - წერს არმინ ლაშეტი.