აშშ-ის პრეზიდენტის დონალდ ტრამპის განცხადებით, აშშ-ს უკრაინისთვის შორ მანძილზე მოქმედი რაკეტების გამოყენების უფლება არ მიუცია.

აშშ-ის პრეზიდენტი გამოცემა The Wall Street Journal-ის მიერ გავრცელებულ ინფორმაციას გამოეხმაურა, რომლის მიხედვითაც, დონალდ ტრამპის ადმინისტრაციამ უკრაინას დასავლელი პარტნიორების მიერ გადაცემული შორ მანძილზე მოქმედი რაკეტების რუსეთის სიღრმეში გამოყენების უფლება მისცა.

დონალდ ტრამპმა WSJ-ის მიერ გავრცელებულ ინფორმაციას „ყალბი ამბავი“ უწოდა.

„აშშ-ს ამ რაკეტებთან კავშირი არ აქვს. არ აქვს კავშირი იმასთან, თუ საიდანაც მოხდება მათი მიწოდება ან როგორ გამოიყენებს უკრაინა მათ“, - დაწერა დონალდ ტრამპმა Truth Social-ზე.