რელიგიის საკითხთა სახელმწიფო სააგენტოს წარმომადგენლები გორის რაიონის სოფელ საქაშეთს ეწვივნენ, სადაც ცხინვალის რეგიონიდან დევნილი 94 ოჯახია ჩასახლებული.

ინფორმაციას რელიგიის საკითხთა სახელმწიფო სააგენტო ავრცელებს.

მათივე ინფორმაციით, სააგენტოს წარმომადგენლები ქრისტიან-ბაპტისტთა ეკლესიების გაერთიანებისა და საერთაშორისო ორგანიზაცია „ფრიდენს ბოტეს“ ჰუმანიტარული დახმარება, 25 ფუთა ტანსაცმელი გადასცეს დევნილ მოსახლეობას.

„აქციას ესწრებოდნენ სამხრეთ ოსეთის ადმინისტრაციის წარმომადგენლები. სამხრეთ ოსეთის ადმინისტრაციის ხელმძღვანელმა, თამაზ ბესტაევმა გაწეული დახმარებისათვის აქციის ორგანიზატორებს მადლობა გადაუხადა

აქციაში მონაწილეობდნენ რელიგიის საკითხთა სახელმწიფო სააგენტოს სტრატეგიული კვლევის, ანალიზისა და რეგიონების სამსახურის უფროსი ნინო ჭავჭავაძე და ანალიტიკოსი გიორგი პატაშური“,- ნათქვამია ინფორმაციაში.