რუსთაველის გამზირის ხელოვნურად გადაკეტვის საქმეზე დაკავებულ თეონა ტალახაძეს სასამართლომ 2-დღიანი ადმინისტრაციული პატიმრობა შეუფარდა
თბილისის საქალაქო სასამართლომ თეონა ტალახაძე ადმინისტრაციულ სამართალდამრღვევად ცნო.
მოსამართლის, თორნიკე ქოჩქიანის გადაწყვეტილებით მას 2-დღიანი ადმინისტრაციული პატიმრობა შეეფარდა.
„არ მქონია მზაობა, რომ გზა გადამეკეტა. ტროტუარზე ვიდექი და გზაზე გადავირბინე, როდესაც საავტომობილო მოძრაობა აღდგენილი იყო, თუმცა გზაზე არ დავმდგარვარ",- განაცხადა თეონა ტალახაძემ.
თეონა ტალახაძეს შინაგან საქმეთა სამინისტრო 22 ოქტომბერს რუსთაველის გამზირის ხელოვნურად გადაკეტვას ედავებოდა.
