CNN - ვლადიმერ პუტინის სპეცწარმომადგენელი მოლაპარაკებებისთვის აშშ-ში ჩავიდა
რუსეთის პრეზიდენტის, ვლადიმერ პუტინის სპეცწარმომადგენელი, დმიტრი კირილოვი მოლაპარაკებებისთვის აშშ-ში ჩავიდა. ამის შესახებ ინფორმაციას CNN წყაროებზე დაყრდნობით ავრცელებს.
წყაროების ცნობით, რუსეთის პრეზიდენტის სპეცწარმომადგენელი აშშ-ში „ოფიციალური მოლაპარაკებებისთვის ჩავიდა“. მოსალოდნელია, რომ ის შეხვედრებს გამართავს ტრამპის ადმინისტრაციის ოფიციალურ პირებთან, „რათა გააგრძელოს საუბრები აშშ-რუსეთის ურთიერთობებზე“.
გამოცემა აღნიშნავს, რომ კირილოვის ვიზიტი უკრაინის წინააღმდეგ კრემლის უარით გამოწვეული აშშ-ის იმედგაცრუებისა და ტრამპის მიერ პუტინთან შეხვედრის გაუქმების ფონზე ხდება. ასევე, ტრამპის ადმინისტრაციამ 22 ოქტომბერს სანქციები შემოიღო რუსეთის უდიდესი ნავთობკომპანიის - „როსნეფტისა“ და „ლუკოილის“ წინააღმდეგ და მოსკოვს ცეცხლის შეწყვეტაზე დაუყოვნებლივ დათანხმებისკენ მოუწოდა.
