სამწუხარო ფაქტია საქართველოს ნებისმიერი მოქალაქის დასანქცირება, არც ადამიანების დაპატიმრებაა მისასალმებელი გარემოება, თუმცა ყველა საქმეს განიხილავს მოსამართლე შესაბამისი მტკიცებულებების საფუძველზე,- ამის შესახებ მოსამართლემ, დიანა გოგატიშვილმა მოსამართლეთა რიგით 36-ე კონფერენციის დასრულების შემდეგ ჟურნალისტებთან განაცხადა.

ამასთან, კითხვაზე, არის თუ არა ზეწოლა მოსამართლეებზე, მან აღნიშნა, რომ ყველა მოსამართლე თავისი პასუხისმგებლობით განიხილავს საქმეს.

„არ არის - ყველა მოსამართლე თავისი პასუხისმგებლობით განიხილავს საქმეს.“- განაცხადა მოსამართლემ.

მისივე თქმით, მოსამართლეთა გადაწყვეტილებების განსჯის უფლება სხვა მოსამართლეს არ აქვს.

„რა თქმა უნდა, სამწუხარო ფაქტია საქართველოს ნებისმიერი მოქალაქის დასანქცირება, არც ადამიანების დაპატიმრებაა მისასალმებელი გარემოება, თუმცა ყველა საქმეს განიხილავს მოსამართლე შესაბამისი მტკიცებულებების საფუძველზე, რომლის გაკრიტიკების, მოწონების ან განსჯის შესაძლებლობა არ აქვს სხვა მოსამართლეს“,- განაცხადა მოსამართლემ.