ირლანდიის საპრეზიდენტო არჩევნებში მემარცხენე კეთრინ კონოლი ლიდერობს, - ინფორმაციას Reuters-ი ავრცელებს.

წინასწარი მონაცემებით, 68 წლის დამოუკიდებელი კანდიდატი, კეთრინ კონოლი ირლანდიის საპრეზიდენტო არჩევნებში დიდი უპირატესობით იმარჯვებს.

ირლანდიის ეროვნული სატელევიზიო და რადიო მაუწყებლის, RTE-ის ცნობით, კონოლის ამომრჩეველთა 60%-ზე მეტი უჭერს მხარს.

კონოლი, რომელიც პირველად ირლანდიის პარლამენტში 2016 წელს აირჩიეს, ევროკავშირის კრიტიკოსია.

ცნობისთვის, ირლანდიაში პრეზიდენტის თანამდებობას სიმბოლური როლი აქვს.