29 ოქტომბრის პლენარულ სხდომაზე, ინტერპელაციის წესით, ინფრასტრუქტურის მინისტრი რევაზ სოხაძე მივა.­

სოხაძე პარლამენტში ფრაქცია “ქართულმა ოცნებამ“ მიიწვია. მინისტრთან სხვადასხვა ინფრასტრუქტურულ პროექტთან დაკავშირებით 68 შეკითხვა გადაიგზავნა, რომელსაც სოხაძემ პლენარულ სხდომაზე უნდა უპასუხოს.

პარლამენტის მოქმედი რეგლამენტით, კითხვა-პასუხის დასრულების შემდეგ გათვალისწინებულია დებატები და სიტყვით გამოსვლები.

რევაზ სოხაძის ინტერპელაციის პროცედურით მოწვევა არის მინისტრის პირველი მოსმენა, რომელიც XI მოწვევის პარლამენტში გაიმართება.