უკრაინისთვის რეპარაციული სესხის გაცემასთან დაკავშირებით, ევროკავშირმა მოუსმინა ლიდერების დონეზე გამოთქმულ შეშფოთებას და ამ კითხვებსა და შეშფოთებას იკვლევს, - ამის შესახებ ევროკომისიის პრესსპიკერმა, პაულა პინიომ განაცხადა.

„არსებობს მთელი რიგი პრინციპები, რომლებზეც ხელახლა ისაუბრეს, მათ შორის თავად პრეზიდენტმა, საერთაშორისო სამართლის პატივისცემის თვალსაზრისით, ეს აბსოლუტურად კრიტიკულია. ასე რომ, სწორედ ამ ფარგლებში ვაკვირდებით ამას და უზრუნველვყოფთ, რომ ვუპასუხოთ წამოჭრილ შეშფოთებას და კითხვებს, განსაკუთრებით ბელგიის პრემიერ-მინისტრის მიერ გასულ კვირას წამოჭრილ კითხვებს“, - აღნიშნა ევროკომისიის პრესსპიკერმა.

შეგახსენებთ, გასულ კვირას ევროკავშირის ლიდერებმა ვერ დაამტკიცეს გეგმა კიევისთვის გამოყოფილი სესხის დასაფინანსებლად გაყინული რუსული აქტივების გამოყენებასთან დაკავშირებით. გადაწყვეტილების მიღებას ბელგიის მხრიდან გამოთქმულმა შეშფოთებამ შეუშალა ხელი.