რუსთაველის გამზირზე, სადაც საპროტესტო აქცია მიმდინარეობს, მოქალაქეებმა საავტომობილო მოძრაობა გადაკეტეს.

კერძოდ, პროტესტის მონაწილეებმა ცოცხალი ჯაჭვი გააკეთეს, რითაც ავტომობილებს მოძრაობის საშუალებას არ აძლევენ.

აქციის მონაწილეების დიდი ნაწილი პარლამენტის მიმდებარედ ტროტუარზე დგას.

პოლიციამ მოუწოდა აქციის მონაწილეებს, გზის სავალი ნაწილიდან გადასვლა და ტროტუარზე დაბრუნება.

პარლამენტის მიმდებარედ მობილიზებულია პოლიცია.

პროტესტის პარალელურად, პარლამენტთან, სადაც კარვებია გაშლილი ამ დროისთვის ხუთი პირი, მათ შორის ოპოზიციონერი გედევან ფოფხაძე შიმშილობს.

რუსთაველის გამზირზე შეკრებილთა მოთხოვნები უცვლელია - დაინიშნოს ახალი არჩევნები და გათავისუფლდნენ პროტესტის ფარგლებში დაკავებული პირები.