რუსეთმა კომბინირებული იერიშისას 650-ზე მეტი დრონი და 50-ზე მეტი რაკეტა გამოიყენა, - ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.

„რუსეთის თავდასხმის შემდეგ ჩვენს ბევრ ოლქში სამაშველო სამუშაოები ჯერ კიდევ მიმდინარეობს. ეს კომპლექსური, კომბინირებული იერიში იყო, რა დროსაც მტერმა 650-ზე მეტი დრონი და 50-ზე მეტი სხვადასხვა ტიპის რაკეტა გამოიყენა. ბევრი მათგანის ჩამოგდება მოხერხდა, თუმცა დარტყმებიც იყო“, - წერს ვოლოდიმირ ზელენსკი X-ზე.

მისი თქმით, რუსეთზე ზეწოლის გაძლიერების მიზნით ახალი ნაბიჯების გადადგმაა საჭირო.

„რუსეთი ადამიანების სიცოცხლის წინააღმდეგ თავის ტერორისტულ ომს აგრძელებს, ამიტომ მნიშვნელოვანია, რომ მშვიდობიან მოსახლეობაზე ყველა მსგავსი თავდასხმა რუსეთს უკან კონკრეტული შედეგებით დაუბრუნდეს - სანქციებითა და რეალური ზეწოლით“, - აცხადებს უკრაინის პრეზიდენტი.