აშშ-ის ვიცე-პრეზიდენტის, ჯეი დი ვენსის განცხადებით, პრეზიდენტ დონალდ ტრამპის განცხადება ბირთვული ტესტირების პოტენციურად განახლების შესახებ დაკავშირებულია აშშ-ის ბირთვული არსენალის ფუნქციონირების შენარჩუნების აუცილებლობასთან.

ვენსმა ჟურნალისტებს განუცხადა, რომ ტრამპის განცხადება „თავისთავად მეტყველებს“ და დასძინა, რომ აშშ-ს, რუსეთს და ჩინეთს „დიდი ბირთვული არსენალი“ აქვთ.

“ამერიკის ეროვნული უსაფრთხოების მნიშვნელოვანი ნაწილია იმაში დარწმუნება რომ ჩვენს ხელთ არსებული ბირთვული არსენალი რეალურად სწორად ფუნქციონირებს და ეს ტესტირების რეჟიმის ნაწილია“,- აღნიშნა ვენსმა.

აშშ-ის ვიცე-პრეზიდენტის თქმით, ვაშინგტონი თანამშრომლობს სხვა ქვეყნებთან, „მათთანაც კი, ვისთანაც საუკეთესო ურთიერთობები არ გვაქვს“, ბირთვული იარაღის გავრცელების შეზღუდვის მიზნით.