რუსეთმა 1-ელი ნოემბრის ღამეს უკრაინას 223 უპილოტო საფრენი აპარატით შეუტია, რომელთაგან დაახლოებით 140 Shahed-ის ტიპის დრონი იყო, - ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს.

მათივე ინფორმაციით, უკრაინის საჰაერო თავდაცვის საშუალებებმა ქვეყნის ჩრდილოეთით, სამხრეთით და აღმოსავლეთით 206 დრონი გაანეიტრალეს.

ამასთან, დაფიქსირდა 17 დრონით თავდასხმა 7 ლოკაციაზე.

ჩერნიგოვის ოლქში რუსულმა დრონმა სასოფლო-სამეურნეო საწარმოს დაარტყა, რის შედეგადაც ანგარი დაიწვა. პოლტავას ოლქში კი რუსეთის თავდასხმამ გაზის წარმოების ობიექტში ხანძარი გამოიწვია.