აშშ-ის პრეზიდენტის, დონალდ ტრამპის განცხადებით, პენტაგონს ნიგერიაში „ქრისტიანების მკვლელობის“ გამო სამხედრო მოქმედების მომზადება დაავალა.

„თუ ნიგერიის მთავრობა ქრისტიანების მკვლელობის დაშვებას გააგრძელებს, აშშ ნიგერიის დახმარებას დაუყოვნებლივ შეაჩერებს“, - წერს დონალდ ტრამპი Truth Social-ზე.

მისი თქმით, შესაძლოა, აშშ ნიგერიაში „იარაღით შევიდეს და ისლამისტი ტერორისტები გაანადგუროს, რომლებიც ამ სისასტიკეს სჩადიან“.

„ომის დეპარტამენტს ვავალებ, რომ მოემზადოს შესაძლო მოქმედებისთვის. თუ ჩვენ შეტევას განვახორციელებთ, ეს სწრაფი და სასტიკი იქნება. ნიგერიის მთავრობამ სასწრაფოდ უნდა იმოქმედოს“, - აცხადებს აშშ-ის პრეზიდენტი.