რუსეთსა და ჩინეთს შორის ურთიერთობები, დასავლეთის სანქციების მიუხედავად, აგრძელებს განვითარებას და ყველაზე მაღალ დონეზეა, - ამის შესახებ რუსეთის პრემიერ-მინისტრმა, მიხაილ მიშუსტინმა ჩინეთის პრემიერ-მინისტრ ლი ციანთან ქალაქ ხანგჭოუში გამართულ შეხვედრაზე განაცხადა.

„რუსეთსა და ჩინეთს შორის ურთიერთობები მრავალსაუკუნოვან ისტორიაში უმაღლეს დონეზეა და დინამიურად აგრძელებს განვითარებას ყველა სფეროში, სხვადასხვა დაბრკოლებისა და დასავლეთის უკანონო სანქციების მიუხედავად“, - განაცხადა რუსეთის პრემიერმა.

მისი თქმით, რუსეთი მზადაა გაზარდოს ადგილობრივი წარმოების საკვები პროდუქტების მიწოდება, რომლებიც პოპულარული გახდა ჩინეთის მაცხოვრებლებში.

„სასოფლო-სამეურნეო პროდუქტების სავაჭრო ბრუნვა მიმდინარე წლის პირველ ცხრა თვეში 15%-ით გაიზარდა. ჩვენ მზად ვართ გავზარდოთ მაღალი ხარისხის რუსული საკვები პროდუქტების მიწოდება, რომელიც ჩინეთის მაცხოვრებლებისთვის ნაცნობია“, - აღნიშნა მიშუსტინმა.