კატარის სახელმწიფოში საქართველოს საგანგებო და სრულუფლებიან ელჩად ვარლამ ავალიანი დაინიშნა. ამის შესახებ ინფორმაციას საგარეო საქმეთა სამინისტრო ავრცელებს.

ვარლამ ავალიანი 2021-2025 წლებში მედიაჰოლდინგის გენერალური დირექტორი იყო, რომელიც ტელეკომპანია "რუსთავი 2"-ს და რამდენიმე მედია პლატფორმას აერთიანებს.

„2019-2021 წლებში ვარლამ ავალიანი ,,სტუდია მაესტრო"-ს აღმასრულებელი დირექტორი იყო.

2012-2014 წლებში ვარლამ ავალიანი იკავებდა საქართველოს თავდაცვის მინისტრის მრჩევლისა და მოადგილის თანამდებობებს.

2014-2018 წლებში მუშაობდა საკონსულტაციო კომპანიებში კომუნიკაციების კონსულტანტად. 1999-2013 წლებში იყო ჟურნალისტი სხვადასხვა ტელეკომპანიებში”, - ნათქვამია ინფორმაციაში.