პოკროვსკში ჩვენი ქვედანაყოფები ალყაში არ არიან, - ამის შესახებ განცხადებას უკრაინის შეიარაღებული ძალების გენერალური შტაბი ავრცელებს.

„მოწინააღმდეგის შეკავების მიზნით, რომელიც ქალაქ პოკროვსკში შეღწევასა და ჯარების თავმოყრას ცდილობს, ღონისძიებები ტარდება. მტრის ქვეითი რაზმების წინააღმდეგ, რომლებიც გამაგრებას ცდილობენ, აქტიური წინააღმდეგობის გაწევა გრძელდება“, - აცხადებს უკრაინის შეიარაღებული ძალების გენშტაბი.

ასევე, გენშტაბის ცნობით, პოკროვსკის დამცველი სამხედრო ნაწილების გაძლიერება მიმდინარეობს.

„ასევე, პოკროვსკ-მირნოგრადის აგლომერაციის თავდაცვითი ფლაგნების გაძლიერება და ლოგისტიკური მარშრუტების უსაფრთხოების უზრუნველყოფა მიმდინარეობს“, - ნათქვამია განცხადებაში.

ცნობისთვის, დღეს რუსეთის თავდაცვის სამინისტრომ განაცხადა, რომ „პოკროვსკსა და კუპიანსკში ალყაში მოქცეული უკრაინის შეიარაღებული ძალების ჯარისკაცების მდგომარეობა კრიტიკულია“.