ნინია კაკაბაძის წინააღმდეგ ყველა ბრალდება უნდა მოიხსნას, - ამის შესახებ გამაფრთხილებელ განცხადებას ევროპის საბჭოს „ჟურნალისტების უსაფრთხოების პლატფორმა“ „მედიაჩეკერის“ ჟურნალისტის, ნინია კაკაბაძის დაკავებასთან დაკავშირებით ავრცელებს.

ევროპის საბჭოს „ჟურნალისტების უსაფრთხოების პლატფორმა“ „მედიაჩეკერის“ ჟურნალისტის, ნინია კაკაბაძის დაკავების ფაქტთან დაკავშირებით ქვეყანაში მედია თავისუფლების საფრთხის წყაროდ სახელმწიფოს ასახელებს, ხოლო საფრთხეს მეორე დონედ აფასებს, რაც მედია თავისუფლების წინააღმდეგ „სერიოზულ საფრთხეს მოიცავს“.

ასევე, პლატფორმა ნინია კაკაბაძის წინააღმდეგ ყველა ბრალდების მოხსნის მოწოდებით გამოდის.

„ნინია კაკაბაძის წინააღმდეგ ყველა ბრალდება უნდა მოიხსნას. უნდა შეწყდეს ჟურნალისტების დაკავება, რომლებიც საპროტესტო აქციებს აშუქებენ“, - აცხადებს ევროპის საბჭოს „ჟურნალისტების უსაფრთხოების პლატფორმა“.