აშშ-მა ოქტომბერში წვრთნები ჩაატარა, რომლის მიზანი რუსეთის წინააღმდეგ პრევენციული ბირთვული სარაკეტო დარტყმების განხორციელების სცენარის გამოცდა იყო, - ამის შესახებ რუსეთის თავდაცვის მინისტრმა, ანდრეი ბელუსოვმა რუსეთის უშიშროების საბჭოს სხდომაზე განაცხადა.

„ვაშინგტონი სტრატეგიული თავდასხმითი ძალების წვრთნებს რეგულარულად ატარებს. ბოლო მსგავსი წვრთნები, Global Tender - 2025, მიმდინარე წლის ოქტომბერში ჩატარდა და მიზანი რუსეთის ტერიტორიაზე პრევენციული ბირთვული სარაკეტო დარტყმების განხორციელების სცენარის გამოცდა იყო“, - განაცხადა ანდრეი ბელუსოვმა.

ასევე, რუსეთის თავდაცვის მინისტრის თქმით, აშშ ახალ საკონტინენტთაშორისო ბალისტიკურ რაკეტაზე მუშაობს.

„მიმდინარეობს მუშაობა ახალი საკონტინენტთაშორისო ბალისტიკური რაკეტის, Sentinel-ის შექმნაზე. მას ახალი ბირთვული ქობინი ექნება. მისი ფრენის მანძილი 13000 კილომეტრს შეადგენს“, - აღნიშნა რუსეთის თავდაცვის მინისტრმა.