ჩეხეთის პარლამენტის ახალმა თავმჯდომარემ შენობიდან უკრაინის დროშის ჩამოხსნის ბრძანება გასცა, - ინფორმაციას The Guardian-ი ავრცელებს.

ჩეხეთის პარლამენტის ქვედა პალატის ახალმა თავმჯდომარემ, ტომიო ოკამურამ სოციალურ ქსელში ვიდეო გამოაქვეყნა, სადაც ჩანს, თუ როგორ უჭირავს მას კიბე მამაკაცისთვის, რომელიც პარლამენტის შენობიდან უკრაინის დროშას ხსნის.

„ჩეხეთის რესპუბლიკა პირველ რიგში!“, - განაცხადა მემარჯვენე პოპულისტური პარტია „თავისუფლება და პირდაპირი დემოკრატიის“ ლიდერმა.

ცნობისთვის, ტომიო ოკამურა პარლამენტის სპიკერად მას შემდეგ აირჩიეს, რაც მისმა „თავისუფლება და პირდაპირი დემოკრატიის“ პარტიამ ჩეხეთის საპარლამენტო არჩევნებში გამარჯვებულ, ანდრეი ბაბიშის პარტია ANO-სთან და პარტია „მოტორისტებთან“ კოალიციური მთავრობის შექმნის შესახებ შეთანხმება გააფორმა.