„ენერგო-პრო ჯგუფი“, ავტომობილების/სპეციალური ტექნიკის დაზღვევის მომსახურებასთან დაკავშირებით ფასთა გამოკითხვის ჩატარებას 20 ნოემბერს გეგმავს.

როგორც კომპანიის მიერ გავრცელებულ ინფორმაციაშია ნათქვამი, პროცესი იწარმოებს ღია, ელექტრონული აუქციონის წესით.

„ფასთა გამოკითხვა ცხადდება დაახლოებით 1100 ერთეულ ავტომობილის/სპეციალური ტექნიკის დაზღვევის მომსახურებაზე, რომელთა საერთო ღირებულება დაახლოებით 15 000 000 დოლარია, ხოლო ავტომობილების მომსახურების არეალი საქართველოში ყველა ადმინისტრაციული ერთეულია. საბუთების წარდგენის ვადა იქნება 11 ნოემბრის ჩათვლით.

ფასთა გამოკითხვაში მონაწილეთა კვალიფიციურობის კრიტერიუმები გამოცხადდება შემდეგ საიტებზე www.tenders.ge და www.etenders.ge ასევე კომპანიის ვებ გვერდზე www.energo-pro.ge“,-ნათქვამია ინფორმაციაში.