ჯეი დი ვენსი და მარკო რუბიო თურქეთის საგარეო საქმეთა მინისტრს შეხვდნენ, - ინფორმაციას აშშ-ის სახელმწიფო დეპარტამენტი ავრცელებს.

„აშშ-ის დელეგაციამ ხაზი გაუსვა პრეზიდენტ ტრამპის მოწოდებას, რომ უკრაინაში ომის დასრულების ხელშეწყობის მიზნით ნატო-ს მოკავშირეებმა რუსული ენერგორესურსების შეძენა შეწყვიტონ“, - ნათქვამია აშშ-ის სახელმწიფო დეპარტამენტის განცხადებაში.

ასევე, აშშ-ის ვიცე-პრეზიდენტმა ჯეი დი ვენსმა, აშშ-ის სახელმწიფო მდივანმა მარკო რუბიომ და თურქეთის საგარეო საქმეთა მინისტრმა, ჰაკან ფიდანმა „ისრაელელი მძევლების დაბრუნებისა და ღაზაში ხანგრძლივი ცეცხლის შეწყვეტის მიღწევის მცდელობების მიმართ თავიანთი მხარდაჭერა კიდევ ერთხელ დაადასტურეს“.