ფინანსთა მინისტრ ლაშა ხუციშვილის განცხადებით, 2026 წლის ნაერთი ბიუჯეტიდან განათლებისა და მეცნიერების მიმართულებით 4.1 მლრდ ლარამდეა გათვალისწინებული.

ამის შესახებ მან ბიუჯეტის პროექტის წარდგენისას განაცხადა.

მისივე თქმით, გათვალისწინებული თანხიდან საჯარო სკოლების დაფინანსებაზე მიიმართება 1,7 მლრდ ლარამდე, ხოლო საჯარო სკოლების მშენებლობა-რეაბილიტაციისთვის გამოყოფილია 500,0 მლნ ლარზე მეტი.

„ასევე, საბავშვო ბაღების მშენებლობა-რეაბილიტაციაზე მიიმართება 110,0 მლნ ლარი. კულტურისა და სპორტის დაფინანსებაზე ნაერთი ბიუჯეტიდან მიიმართება 1 050,0 მლნ ლარზე მეტი, ხოლო სახელმწიფო ბიუჯეტის ფარგლებში გათვალისწინებულია 615,0 მლნ ლარამდე”,- განაცხადა ხუციშვილმა.