ბელგიის საგარეო საქმეთა მინისტრი, ვიცე-პრემიერი მაქსიმ პრევო რუსეთის მიერ უკრაინაში განხორციელებულ მასობრივი დარტყმების ტალღას გმობს და ომის დანაშაულად აფასებს.

„ბელგია უმკაცრესად გმობს ბოლო კვირების განმავლობაში რუსეთის მიერ უკრაინაში განხორციელებულ მასობრივ თავდასხმების ტალღას. ამ დაბომბვების მიზანმიმართული სამიზნე მშვიდობიანი მოსახლეობა, საცხოვრებელი უბნები, საავადმყოფოები, ენერგეტიკული ინფრასტრუქტურა და აუცილებელი სერვისებია. მათ დახოცეს და დაჭრეს უდანაშაულო ადამიანები, მათ შორის ბავშვები, და მთელი თემები შიშსა და სიბნელეში დატოვეს. მოდით, ძალიან ნათლად ვთქვათ: ეს არის ომის დანაშაულები. ისინი უკრაინელი ხალხის მორალურად შესუსტების სისტემატური სტრატეგიის ნაწილია. და მაინც, ამ სისასტიკის მიუხედავად, უკრაინელები განსაკუთრებული გამბედაობით აგრძელებენ დგომას. ტერორის წინაშე მათი მდგრადობა ჩვენს ღრმა პატივისცემასა და სოლიდარობას იწვევს“, - წერს მინისტრი სოციალურ პლატფორმა X-ზე.

ამასთან, მისი თქმით, ბელგია შეშფოთებულია კიევში აზერბაიჯანის საელჩოზე განხორციელებული დარტყმით. მინისტრი ხაზს უსვამს, რომ დიპლომატიური მისიის დაბომბვა არა მხოლოდ მიუღებელია, არამედ პირდაპირი თავდასხმაა იმ პრინციპებზე, რომლებიც საერთაშორისო სისტემას აერთიანებს.

ბელგიის საგარეო უწყების ხელმძღვანელი აზერბაიჯანელ ხალხს მხარდაჭერას უცხადებს.

„თქვენ მარტო არ ხართ. ჩვენ თქვენს გვერდით ვრჩებით. ევროპელ და საერთაშორისო პარტნიორებთან ერთად, გავაგრძელებთ მხარდაჭერას და გავზრდით ზეწოლას რუსეთზე, სანამ ეს უკანონო და ამორალური ომი არ დასრულდება“, - წერს მაქსიმ პრევო.