ანტიკორუფციული ბიუროს, პერსონალურ მონაცემთა დაცვის სამსახურის და ბიზნესომბუდსმენის ინსტიტუტის გაუქმების გადაწყვეტილება პიროვნებებს არ უკავშირდება - ეს არის კონსტიტუციურ ჩარჩოში დაბრუნების ნაბიჯი! სისტემიდან ამოვარდნილი გადაწყვეტილებების მიღება გარედან იყო თავსმოხვეული, - ეს განცხადება მედიასთან პარლამენტის თავმჯდომარემ შალვა პაპუაშვილმა გააკეთა.

პაპუაშვილმა ამავე კონტექსტში აღნიშნა, რომ თავის დროზე ცალკე ინსტიტუტების შექმნა უცხოური ორგანიზაციების დაჟინებული რჩევა, მოთხოვნა და ზეწოლის შედეგი იყო.

“ეს იმ სამწუხარო პრაქტიკის ნაწილი იყო, რომელიც საქართველომ გამოიარა, როცა ჩვენი ქვეყნის ინსტიტუციურ მოწყობას გარედან გვკარნახობდნენ. დღეს ანტიკორუფციული პოლიტიკის გატარებით დაკავებულია მთავრობა და ამაში ჩართულია სახელმწიფო უსაფრთხოების სამსახური, ანტიკორუფციული სააგენტო, პროკურატურა და აუდიტის სამსახური“, - განაცხადა შალვა პაპუაშვილმა.