პარლამენტის წინ შეკრებილი აქციის მონაწილეები მსვლელობას მართავენ. ამ დროისთვის ისინი მთავრობის ადმინისტრაციისკენ მიდიან.

როგორც ორგანიზატორები აცხადებენ, მათი მიზანია თბილისის ვიწრო ქუჩებში გამართონ მსვლელობები, რათა ყველას გააგებინონ პროტესტის ხმა.

როგორც მსვლელობის დაწყებამდე აქციის მონაწილეებმა განაცხადეს, დღევანდელი პროტესტის თემა სიმბოლურია და ის საქართველო-ამერიკის მეგობრობას ეხება. აქციის მონაწილეებს თან აქვთ ამერიკის დროშები. ასევე გაშლილი აქვთ ბანერი: „BIPARTISAN SUPPORT FOR GEORGIA A STRONGER DEMOCRACY!”

აქციის მონაწილეებს თან მიჰყვება პოლიცია. სამართალდამცველები მსვლელობის მონაწილეებს გზის გადაკეტვის საშუალებას არ აძლევენ.