სამართალდამცველებმა მსვლელობის კიდევ ორი მონაწილე დააკავეს - სულ დღევანდელ აქციაზე სამი პირია დაკავებული.

პროტესტის მონაწილეებმა მსვლელობა დაასრულეს და აქცია პარლამენტთან გრძელდება.

დღეს აქციის მონაწილეებმა მსვლელობა ორი მიმართულებით გამართეს. თავდაპირველად ისინი მთავრობის ადმინისტრაციასთან მივიდნენ, საიდანაც კვლავ პარლამენტთან დაბრუნდნენ. საკანონმდებლო ორგანოსთან დაბრუნების შემდეგ, შეკრებილებმა კვლავ გადაწყვიტეს მსვლელობა და ისინი რუსთაველის მეტროს მიმართულებით გაემართათ.

მსვლელობის მონაწილეებს ყველა ლოკაციაზე თან მიჰყვებოდა პოლიცია, ისინი აქციის მონაწილეებს დაგეგმილი მიმართულებით გადაადგილების საშუალებას არ აძლევდნენ.