28-პუნქტიან წინადადებას განმტკიცება სჭირდება, - ამის შესახებ საფრანგეთის პრეზიდენტმა, ემანუელ მაკრონმა განაცხადა.

„ჩვენ, ევროპელ და „დიდი შვიდეულის“ პარტნიორებთან ერთად, უკრაინაში მშვიდობის მისაღწევად აშშ-ის ძალისხმევას მივესალმებით. ეს ერთ რამეს ადასტურებს: მშვიდობა ყველას სურს რუსეთის გარდა, რომელიც უკრაინის დაბომბვას აგრძელებს. 28-პუნქტიანი წინადადება უნდა განმტკიცდეს. არ შეიძლება საზღვრები ძალის გამოყენებით შეიცვალოს და უკრაინა დაუცველი არასდროს უნდა დარჩეს“, - წერს ემანუელ მაკრონი X-ზე.

მისი თქმით, მოკავშირეებთან ერთად უკრაინასთან და აშშ-თან მჭიდრო კოორდინაციას გააგრძელებს.

„ევროკავშირის ან ნატო-ს შესახებ ნებისმიერ გადაწყვეტილებას მათი წევრების თანხმობა სჭირდება. უკრაინის მიმართ ჩვენი მხარდაჭერა მყარია. მთელი ევროპის უსაფრთხოება და თავისუფლება სასწორზე დევს“, - აცხადებს საფრანგეთის პრეზიდენტი.