დასავლეთმა მიატოვა უკრაინა, რომელიც, ფაქტობრივად, მარწუხებშია მოქცეული - მას არ შეუძლია ბრძოლის გაგრძელება დასავლელი მოკავშირეების მხარდაჭერის გარეშე, რომლებიც აღარ არსებობენ და მოუწევს მოლაპარაკებების წარმოება დამარცხებულის პოზიციიდან, - ამის შესახებ რუსეთის ფედერაციის საბჭოს ვიცე-სპიკერმა, კონსტანტინ კოსაჩოვმა განაცხადა.

„ბოლო დღეების მოვლენების გათვალისწინებით, ამჟამინდელი სიტუაცია შემდეგნაირად გამოიყურება: შეერთებული შტატები ომის გაგრძელებას შეუძლებლად მიიჩნევს და დაჟინებით მოითხოვს მოლაპარაკებებს. რუსეთი მზადაა მოლაპარაკებებისთვის, მაგრამ ასევე მზადაა გააგრძელოს სამხედრო მოქმედებები, თუ ისინი წარუმატებელი აღმოჩნდება“, - აღნიშნა კოსაჩოვმა.

მისი თქმით, ევროკავშირი მოლაპარაკებებს არღვევს, რადგან საკუთარი ინტერესებიდან გამომდინარე, თვლის, რომ ომის გაგრძელება სასურველია.

„უკრაინა? ის ერთდროულად ინგრევა და ამავდროულად მარწუხებშია მოქცეული. რაც არ უნდა პარადოქსულად ჟღერდეს ეს. მას არ შეუძლია გაუძლოს ბრძოლის გაგრძელებას კონსოლიდირებული დასავლეთის გარე მხარდაჭერის გარეშე, რომელიც მას აღარ აქვს. თუმცა, ის ასევე არ არის მზად მოლაპარაკებებისთვის, რადგან მოლაპარაკებები უნდა წარიმართოს დამარცხებული და არა გამარჯვებული მხარის პოზიციიდან. ამას დაუმატეთ კორუფციით გამოწვეული წარუმატებლობები და ყულფი უფრო და უფრო უჭერს“, - აღნიშნა კოსაჩოვმა.