ხელვაჩაურის მუნიციპალიტეტის სოფელ მახვილაურის მოსახლეობა საპროტესტო აქციას მართავს. ადგილობრივები ავტობანის მიმდებარე ტერიტორიაზე მშენებლობას აპროტესტებენ. მათი თქმით, სოფლის მოსახლეობისთვის გაურკვეველია რა შენდება, მშენებელი კომპანია მოსახლეობასთან განმარტებებს არ აკეთებენ, არც საინფორმაციო დაფაა განთავსებული.

ადგილობრივები საცხოვრებელი გარემოს უშუალო სიახლოვეს დაგეგმილ სამუშაოებს აპროტესტებენ, რომლებიც მათი თქმით, ზიანს აყენებს მოსახლეობის ჯანმრთელობას, მიკროკლიმატს და ადგილობრივ ეკოსისტემას.

შეკრებილების განცხადებით, როგორც მერიას, ასევე სახელმწიფო სტრუქტურებს მოუწოდებენ, დაუყოვნებლივ გააკეთონ განმარტებები, შეაჩერონ საფრთხის შემცველი სამუშაოები და უზრუნველყონ მოსახლეობის კანონიერი უფლებების დაცვა.