საპროტესტო მსვლელობის მონაწილეები რუსთაველის გამზირზე დაბრუნდნენ. უწყვეტი პროტესტის 362-ე დღეს მსვლელობა პარლამენტიდან თავისუფლების მოედნამდე მოეწყო.

თავისუფლების მოედნის მიმდებარედ გზის სავალ ნაწილზე გადასვლის გამო პოლიციამ მსვლელობის რამდენიმე მონაწილე დააკავა, რის შემდეგად მოქალაქეები პარლამენტთან დაბრუნდნენ.

ამ წუთებში საკანონმდებლო ორგანოსთან პროტესტი გრძელდება.

ადგილზე მობილიზებული არიან სამართალდამცავები. ისინი დემონსტრანტებს უფლებას არ აძლევენ გადავიდნენ გზის სავალ ნაწილზე.