გაერთიანებული სამეფოს პრემიერ-მინისტრის, კირ სტარმერის განცხადებით, უკრაინის ევროპელი მოკავშირეების, „მსურველთა კოალიციის“ შეხვედრა დღეს გაიმართება.

მისივე ინფორმაციით, შეხვედრა ვირტუალურ რეჟიმში შედგება.

ბრიტანეთის პრემიერის თქმით, ალიანსის ყველა პარტნიორი უკრაინაში „სამართლიანი და მდგრადი მშვიდობის“ მიღწევაზეა ორიენტირებული.

„სამშვიდობო მოლაპარაკებების პროგრესი ყველასთვის მნიშვნელოვანია, რადგან უკრაინაში კონფლიქტმა პირდაპირი გავლენა მოახდინა აქ, გაერთიანებულ სამეფოში“, - აღნიშნა კირ სტარმერმა.