აშშ-ის არმიის მდივანი უკრაინაში მიმდინარე კვირაში ჩავა, - ამის შესახებ უკრაინის პრეზიდენტის ადმინისტრაციის ხელმძღვანელი, ანდრეი ერმაკი სოციალურ ქსელში წერს.

„ახლახან აშშ-ის არმიის მდივანს, დენიელ დრისკოლს ვესაუბრე. როგორც პრეზიდენტმა, დონალდ ტრამპმა აღნიშნა, აშშ-ის არმიის მდივანს კიევში მიმდინარე კვირაში ველით. ჩვენ მზად ვართ, სისხლისღვრის დასასრულებლად საჭირო ნაბიჯებზე შესათანხმებლად მუშაობა რაც შეიძლება სწრაფად გავაგრძელოთ“, - წერს ერმაკი X-ზე.

მისი თქმით, ჟენევაში მოლაპარაკებების შედეგად შეთანხმების მყარი საფუძველი შეიქმნა.

„პრეზიდენტი ზელენსკი და მთელი გუნდი თანამშრომლობის ერთგულია. უკრაინა მშვიდობის მიღწევისთვის დაბრკოლება არასდროს ყოფილა და არც არასდროს იქნება“, - აცხადებს უკრაინის პრეზიდენტის ადმინისტრაციის ხელმძღვანელი.