უკრაინისა და აშშ-ის წარმომადგენლებს შორის სამშვიდობო წინადადების შესახებ მოლაპარაკებები მალე გაიმართება, - ამის შესახებ უკრაინის საგარეო საქმეთა მინისტრმა, ანდრეი სიბიგამ განაცხადა.

ანდრეი სიბიგას განცხადებით, უკრაინას კონკრეტული შედეგების მოლოდინი აქვს.

„ჩვენთვის ეს ძალიან მნიშვნელოვანია და უკრაინამ მშვიდობის მიღწევის მიზნით ეს არაერთხელ დაადასტურა“, - აღნიშნა უკრაინის საგარეო საქმეთა მინისტრმა.

ასევე, მისი თქმით, კიევი აშშ-სა და უკრაინის პრეზიდენტებს, დონალდ ტრამპსა და ვოლოდიმირ ზელენსკის შორის შეხვედრით არის დაინტერესებული.

„არსებობს საკითხები, რომელთა განხილვაც მხოლოდ ლიდერების დონეზეა შესაძლებელი“, - განაცხადა სიბიგამ.