საქართველოს ბანკი ბიზნესების მხარდაჭერას და მათთვის მრავალფეროვანი შესაძლებლობების შექმნას განაგრძობს. ამ მიზნით, ბანკი განაგრძობს კამპანიას ბიზნესებისთვის, რომლებსაც 2025 წლის 1-ელი აგვისტოდან 1 ოქტომბრამდე არ უსარგებლიათ ბიზნეს მობილბანკით ან ინტერნეტბანკით, ან ჯერ არ ფლობენ იურიდიული პირის ანგარიშს.

კამპანია 31 დეკემბრის ჩათვლით გრძელდება და რამდენიმე ბენეფიტს აერთიანებს:

25%-იანი ქეშბექი Mastercard-ის ბიზნეს ბარათით გადახდაზე

შეთავაზების ფარგლებში, ბიზნესს შესაძლებლობა აქვს, მიიღოს 25%-იანი ქეშბექი Mastercard ბიზნეს ბარათით შესრულებული ნებისმიერი ტიპის გადახდაზე. ქეშბექის მაქსიმალური ოდენობა შეადგენს 500 ლარს.

ქეშბექი ვრცელდება ყველა ტრანზაქციაზე – იქნება ეს ონლაინ შესყიდვები ან ციფრული გამოწერების გადახდა, თუ ფიზიკურ მაღაზიებში ოფისისთვის საჭირო ნივთების შეძენა.

უფასო გადარიცხვები – თვეში 1 000 000 ლარამდე

კამპანიაში ჩართულ ბიზნესებს შესაძლებლობა აქვთ, სასურველ ვალუტაში თვეში 1 000 000 ლარამდე გადარიცხვა ყოველგვარი საკომისიოს გარეშე განახორციელონ.

M ბიზნეს ნაკრები – 3 თვით უფასოდ

კამპანიის ფარგლებში, ბიზნესებს შეუძლიათ მიიღონ M ბიზნეს ნაკრები სამი თვის განმავლობაში უფასოდ. აღნიშნული ნაკრები მოიცავს ყველა აუცილებელ პროდუქტსა და სერვისს, რომლებიც ბიზნესს ყოველდღიური ოპერაციების ეფექტიანად მართვაში ეხმარება.

M ნაკრების ფარგლებში მომხმარებლები შეძლებენ:

• თანხის მარტივად განაღდებას – ბანკომატიდან განაღდების დღიური ლიმიტი 30 000 ლარი;
• გადარიცხვებსა და კომუნალურ გადასახადებზე შეღავათიანი ტარიფით სარგებლობას;
• ხარჯების ეფექტიან განაწილებას – 2 ციფრული და 2 პლასტიკური ბარათის შეკვეთა უფასოა.

კამპანიაში მონაწილეობის მისაღებად, ბიზნესებს შეუძლიათ რეგისტრაცია გაიარონ ბიზნეს მობილბანკში ან ბიზნეს ინტერნეტბანკში 31 დეკემბრის ჩათვლით.

(R)