მოლდოვის საჰაერო სივრცე დრონების შეჭრის გამო დროებით დახურეს, - ინფორმაციას ადგილობრივი მედია ავრცელებს.

მედიის ინფორმაციით, ღამით ორი დრონი ვორონკოვოს რაიონში შეფრინდა.

მოლდოვის სასაზღვრო პოლიციის განცხადებით, საჰაერო სივრცეში დრონების შეფრენის შესახებ უკრაინელმა მესაზღვრეებმა აცნობეს.

სიფრთხილის მიზნით, მოლდოვაში საჰაერო სივრცე დროებით დახურეს, თუმცა ჩრდილოეთ რეგიონის გარდა, მალევე გახსნეს.

მოლდოვის ხელისუფლებამ განაცხადა, რომ ტერიტორიის შემოწმების შემდეგ მოსახლეობისთვის საფრთხის შემცველი ობიექტი არ აღმოუჩენიათ.