2026 წლის ბიუჯეტის პროექტის საბოლოო ვერსიით თავდაცვის სამინისტროსთვის გათვალისწინებულია 1 890,0 მლნ ლარი, რაც წინა ვერსიასთან შედარებით გაზრდილია 90 მლნ ლარით. სამინისტროს ასიგნებების ფარგლებში თავდაცვის ინფრასტრუქტურისა და მისი შესაძლებლობების განვითარებისათვის გათვალისწინებულია სულ 495,0 მლნ ლარი; გამოყოფილი თანხის ფარგლებში ასევე გათვალისწინებულია ჯარისკაცების ხელფასის 10%-იანი ზრდა.

შინაგან საქმეთა სამინისტროსთვის გათვალისწინებულია 1 547,0 მლნ ლარი, რაც ბიუჯეტის წინა ვერსიასთან შედარებით გაზრდილია 74 მლნ ლარით, რაც გამოწვეულია ინფრასტრუქტურის და მატერიალურ-ტექნიკური ბაზის განახლებით. აღნიშნულ თანხაში გათვალისწინებულია პოლიციელთა ხელფასების 10%-იანი ზრდა.

საქართველოს სახელმწიფო უსაფრთხოების სამსახურისთვის გათვალისწინებულია 380,0 მლნ ლარი, რაც წინა ვერსიასთან შედარებით გაზრდილია 115 მლნ ლარით, რომელიც მიმართული იქნება სამსახურის მატერიალურ-ტექნიკური ბაზის გასაუმჯობესებლად.

საქართველოს სახელმწიფო დაცვის სპეციალური სამსახურისთვის გათვალისწინებულია 126,5 მლნ ლარი, რაც პროექტის წინა ვერსიასთან შედარებით გაზრდილია 6,0 მლნ ლარით. დამატებითი თანხა ძირითადად ხმარდება წვევამდელი მოსამსახურეების ჩანაცვლებას საშტატო პერსონალით.

საქართველოს პროკურატურისთვის გათვალისწინებულია 98,7 მლნ ლარი. დაფინანსება გაზრდილია 3,2 მლნ ლარით.

სასამართლო სისტემისთვის გამოყოფილი დაფინანსება გაზრდილია 21,0 მლნ ლარით და გათვალისწინებულია ჯამში 223,5 მლნ ლარი, მათ შორის: საკონსტიტუციო სასამართლო - 7,9 მლნ ლარი; უზენაესი სასამართლო - 22,3 მლნ ლარი; საერთო სასამართლოები - 180,3 მლნ ლარი (დაფინანსება გაზრდილია 20,3 მლნ ლარით; იუსტიციის უმაღლესი საბჭო - 13,0 მლნ ლარი.

იურიდიული დახმარების სამსახურისთვის გათვალისწინებულია 18,0 მლნ ლარი, რაც წინა ვერსიასთან შედარებით გაზრდილია 2,5 მლნ ლარით.