ჯანდაცვის სამინისტროსთან დიუშენის კუნთოვანი დისტროფიის დიაგნოზის მქონე ბავშვების მხარდასაჭერი აქცია მიმდინარეობს.

ამ წუთებში ჯანდაცვის მინისტრი, მიხეილ სარჯველაძე კუნთოვანი დისტროფიით დაავადებული ბავშვების მშობლებს ესაუბრება.

მშობლების თქმით, მსოფლიოში უკვე არსებობს მედიკამენტები, რომლებიც ამ დაავადებას მნიშვნელოვნად აჩერებენ, თუმცა მაღალი ფასის გამო ისინი ხელმიუწვდომელია მოქალაქეებისთვის. სწორედ აღნიშნულ საკითხზე მიმდინარეობს საუბარი.

მშობლების თქმით, სახელმწიფოსთვის ამ ხარჯის გაწევა არის რეალურია, ამიტომ ითხოვენ შემოტანას.

მინისტრი მოუწოდებს მშობლებს, საკითხზე მსჯელობა სამინისტროში გაგრძელდეს.