ვოლოდიმირ ზელენსკი სტივ უიტკოფს ესაუბრა
უკრაინის პრეზიდენტი, ვოლოდიმირ ზელენსკი აშშ-ის პრეზიდენტის სპეციალურ წარმომადგენელს სტივ უიტკოფს ესაუბრა.
უკრაინის პრეზიდენტის, ვოლოდიმირ ზელენსკის ცნობით, საფრანგეთის პრეზიდენტ ემანუელ მაკრონთან ერთად, ასევე დიდი ბრიტანეთის პრემიერ-მინისტრის კირ სტარმერის მონაწილეობით, აშშ-ის პრეზიდენტის სპეციალურ წარმომადგენელს სტივ უიტკოფსა და უკრაინის დელეგაციის ხელმძღვანელს რუსტემ უმეროვს ესაუბრა.
„მნიშვნელოვანი ბრიფინგი იყო და შევთანხმდით, რომ დამატებით დეტალებს პირადად შეხვედრისას განვიხილავთ. ჩვენი გუნდები შესაძლო შემდგომი კონტაქტების ვადებს შეათანხმებენ“, - წერს ზელენსკი X-ზე.
მანამდე, გამოცემა „ფრანს-პრესმა“ ინფორმაცია გაავრცელა, რომ ფლორიდაში, სტივ უიტკოფსა და რუსტემ უმეროვს შორის კიდევ ერთი შეხვედრა შედგა.
