დიმიტრი პესკოვი აცხადებს, რომ ვლადიმერ პუტინი სამეთაურო პუნქტს ეწვია, სადაც პოკროვსკისა და ვოვჩანსკის გათავისუფლების შესახებ ანგარიში მოისმინა
ვლადიმერ პუტინი სამეთაურო პუნქტს ეწვია, სადაც პოკროვსკისა და ვოვჩანსკის გათავისუფლების შესახებ ანგარიში მოისმინა, - ამის შესახებ კრემლის პრესსპიკერი, დიმიტრი პესკოვი აცხადებს.
„გენერალმა გერასიმოვმა უმაღლეს მთავარსარდალს მოახსენა დონეცკის სახალხო რესპუბლიკის ქალაქ კრასნოარმიისკისა [პოკროვსკი] და ხარკოვის ოლქის ქალაქ ვოვჩანსკის გათავისუფლების შესახებ“, - განაცხადა პესკოვმა.
ასევე, პესკოვის ცნობით, რუსეთის არმიის გენშტაბის უფროსმა, ვალერი გერასიმოვმა რუსეთის პრეზიდენტს, ვლადიმერ პუტინს „სხვა მიმართულებებზე ჯარების შეტევითი მოქმედებების შედეგების შესახებაც მოახსენა“.
პესკოვის მიერ გავრცელებული ინფორმაციის შესახებ უკრაინელ ოფიციალურ პირებს კომენტარი ჯერჯერობით არ გაუკეთებიათ.
