უკრაინას, შესაძლოა, „მტკივნეულ დათმობებზე“ წასვლა მოუწიოს, - ამის შესახებ გერმანიის საგარეო საქმეთა მინისტრმა, იოჰან ვადეფულმა განაცხადა.

„დიპლომატიის ამოცანას ისეთი კომპრომისების მოძებნა წარმოადგენს, რომელსაც ორივე მხარე მხარს დაუჭერს. საბოლოოდ, ეს ყოველთვის მტკივნეულ დათმობებს უკავშირდება. უდავოდ, ეს უკრაინისთვის ურთულესი პროცესი იქნება, რომელიც შეიძლება რეფერენდუმით დასრულდეს“, - განაცხადა იოჰან ვადეფულმა.

ასევე, მისი თქმით, უკრაინაში ცეცხლის შეწყვეტის შანსი „არასდროს ყოფილა იმაზე დიდი, ვიდრე ახლაა“.

„მნიშვნელოვანი წინაპირობა უკრაინისთვის გარანტიების მიღება იქნება იმის შესახებ, რომ რუსეთის ახალი აგრესიის წინაშე დაუცველი არ დარჩება“, - აღნიშნა გერმანიის საგარეო საქმეთა მინისტრმა.