ფინანსთა მინისტრის მოადგილის, გიორგი კაკაურიძის განცხადებით, 2026 წლისთვის 150 მილიონი ლარია გათვალისწინებული ინფრასტრუქტურის სამინისტროს ნაწილში იმისთვის, რომ საუნივერსიტეტო ქალაქების მშენებლობისთვის შესაბამისი დოკუმენტაცია მომზადდეს და შესაბამისი მიწების გამოსყიდვის განხორციელება დაიწყოს.

მისი თქმით, მომავალ წელს 150 მილიონი საკმარისი იქნება ინფრასტრუქტურის ნაწილში, თუმცა მომდევნო 2027-2029 წლებში მზარდი იქნება და დაახლოებით, 800 მილიონ ლარს გადააჭარბებს.

„მომდევნო წლის ბიუჯეტის განხილვისას მოგვიწევს ამ საკითხის განხილვა. ახლავე მინდა მოგახსენოთ, რომ 150 მილიონი ლარია გათვალისწინებული ინფრასტრუქტურის სამინისტროს ნაწილში იმისთვის, რომ საუნივერსიტეტო ქალაქების მშენებლობისთვის შესაბამისი დოკუმენტაცია მომზადდეს, შესაბამისი მიწების გამოსყიდვის განხორციელება დაიწყოს. ჯამში, პრემიერმა ახსენა, რომ მილიარდს აღემატება ამ პროექტის ღირებულება. მომავალ წელს 150 მილიონი საკმარისი იქნება ინფრასტრუქტურის ნაწილში, თუმცა მომდევნო წლებში 2027-2029 წლების ნაწილში მზარდი იქნება ეს და დაახლოებით, ამ 4-წლიან პერიოდში ალბათ, 800 მილიონ ლარს გადააჭარბებს. 800-დან 900-მილიონამდე იქნება ის ათვისებული თანხები. ძირითადი კომპონენტი ეს იქნება, მაგრამ გარკვეული ნაწილი გადავა შემდგომ პერიოდშიც“, - განაცხადა კაკაურიძემ.